মোৰ প্ৰেমৰ প্ৰস্তাৱ

তোমাৰ প্ৰেমত পৰিবলৈকে মই পাগল
তোমাৰ কোমল অন্তৰখনিত
এটুকুৰা ঠাই পাবলৈ ব্যাকুল মই
তোমাৰ একাজলি মৰমতে মই
জীৱন জুৰাব বিচাৰো তোমাৰ মৰমৰ ছাঁত
পৰিবানে বাৰু তুমিও
বিচাৰিবানে তুমিও
মোৰ দৰেই....
মোৰ মৰমৰ সাগৰখনিত সাতুৰি-নাদুৰি
মোৰ সপোনৰ ৰঙেৰে
মোক ৰঙীণ কৰি তুলিবলৈ ???

জীৱন জুৰোৱা মোৰ শূণ্য পথাৰ খনিত
সিঁচিব বিচাৰো তোমাৰ প্ৰেমৰ বীজেৰে
এখনি সেউজ বাগিচা
য'ত থাকিম তুমি আৰু মই
মই আৰু তুমি
তাতেই ৰচিম দুয়ো জীৱনৰ সপোন

নোৱাৰো তোমাক দিবলে সৌ আকাশৰ তৰাটি
নোৱাৰো দিব সৌ পূৰ্ণিমাৰ জোনটি
কিন্তু তুমি বিচাৰিলে
মোৰ বুকুত ঢৰফৰাই থকা
কেঁচা কলিজাটিকো উলিয়াই দিম....
সেই তেজেৰেই লিখি দিম
তোমাক ভাল পাওঁ বুলি
তুমি মাত্র এবাৰ কোৱা মোক ভাল পাওঁ বুলি
জীৱনে-মৰণে তোমাৰেই হ'ম বুলি

কথা দিম তোমাক সাত জনমলৈ......|
তোমাৰ প্ৰেমতেই বলীয়া হ'ম মই
তোমাৰ বাবেই থাকিম সদায়
দুখে-সুখে হ'ম সংগী তোমাৰ
সেউজীয়া আবেশেৰে ভৰাই তুলিম
তোমাৰ জীৱন
এমুঠি জোনাকেৰে পোহৰাই তুলিম
তোমাৰ জীৱন

মাত্র এবাৰ কোৱা মোক
***ভাল পাওঁ বুলি***

.................শ্ৰী ধনমণি বৰদলৈ